YOU ARE AT > खेल-जगत > राहुल अउ रैना के धमाकेदार पारी ले आयरलैंड ल 143 रन ले हरवाइस

राहुल अउ रैना के धमाकेदार पारी ले आयरलैंड ल 143 रन ले हरवाइस

rahul

डबलिन-

भारतीय टीम दूसरइया टी-20 मैच म आयरलैंड ल 143 रन ले करारी मात देके 2-0 ले क्लीन स्वीप करीस। आयरलैंड ल 214 रन के बड़का लक्छय मिलिस।

आयरलैंड के पारी 12.3 ओवर म 70 रन पर ढेर हो गिस, युजवेंद्र चहल अउ कुलदीप यादव ह 3-3 विकेट लिस। सलामी बल्लेबाज लोकेश राहुल 70 रन, सुरेश रैना 69 रन के बेहतरीन बल्लेबाजी के बाद हार्दिक पांड्या के तेज तर्रार पारी के दम म भारत ह चार विकेट म 213 रन बनाइस।

राहुल ह हमज 36 बाल म छह छक्का अउ तीन चैका के मदद ले तेज तर्रार पारी खेलिस, उहे रैना ह 45 बाल म पांच चैका अउ तीन छक्का लगाइस।

पांड्या ह आखिरी म तेजी ले रन बटोरिस अउ महज नौ बाल म चार छक्का अउ एक चैका के मदद ले 39 रन के पारी खेलिस। चार बदलाव के संग ये मैच म भारतीय टीम के बल्लेबाज ये मैच म घलो आयरलैंड के बालर मन उपर हावी रिहिस।

भारतीय कप्तान विराट कोहली पारी के सुरूआत करे बर आइस मगर जादा रन नइ बना सकिस।येकर बाद रैना अउ राहुल ह आयरलैंड के बालर मन के बढ़िया खबर लिस। राहुल अउ रैना ह दूसरइया विकेट बर 106 रन के सतकीय साझेदारी कर टीम के नीव रखिस।

 

Image-Source-google

Leave a Reply

Your email address will not be published. Required fields are marked *