YOU ARE AT > देश-विदेश > मन के बात म मोदी ह करिस आत्मनिर्भर रहवइया दंतेवाड़ा के महिला मन के तारिफ

मन के बात म मोदी ह करिस आत्मनिर्भर रहवइया दंतेवाड़ा के महिला मन के तारिफ

man-ki-baat-dantewada-mahila

गणतंत्र दिवस के तुरते बाद प्रधानमंतरी मोदी ह छत्तीसगढ़ के दूरवर्ती अउ नक्सल प्रभावी छेत्र दंतेवाड़ा के महिला मन के खुब प्रसंसा करिस अउ कहिस कि दंतेवाड़ा के उन महिला मन ल बधाई देना चाहत हो, जेन आत्मनिर्भर खातिर ई-रिक्सा चला के अपन आप ल स्वलंबी बनावत हे।

महिला मन के ये कदम देस ल बदलत परिवेस के एक नवा मिसाल कायम करत हे ये बात बेहद अहम हे कि मात्र तीन महिना म ही सौ ले जादा महिला मन ह स्वरोजगार के फलस्वरूप ई-रिक्सा संचालित करत हे।

बेटी बचाओ, बेटी पढ़ाओ के गोठ करत हुए कहिस कि सुरू ले ही नारी सक्ति हमला प्रेरित करत आय हे चाहे अहिल्या बाई होल्कर के सासन बेवस्था हो, रानी लक्ष्मीबाई के वीरता, लक्ष्मीबाई के भक्ति चाहे मैत्रीक की विद्यवता सबो म महिला मन ह सुरू ले ही हमर प्रेरना के स्त्रोत रहे हे।

प्रधानमंतरी नरेन्द्र मोदी ह इतवार के अपन मन के बात म हाल ही म पद्म पुरस्कार ले सम्मानित मनखे मन के तारिफ अउ प्रसंसा करिस। ओहर कहिस कि पुरस्कार पाय के खातिर पहचान नहीं बल्कि काम के महत्ता ल बताइस ये दौरान कई पद्म पुरस्कार ले सम्मानित मनखे मन के नाव घलो लिस प्रधानमंतरी ह आगू कहिस कि भारत ल हेल्थ केयर के अफाॅर्डेबल बनाना उद्देस्य हरय, जेकर ले सस्ती दवाई उपलब्ध हो सके।

 

 

One thought on “मन के बात म मोदी ह करिस आत्मनिर्भर रहवइया दंतेवाड़ा के महिला मन के तारिफ

Leave a Reply

Your email address will not be published. Required fields are marked *